عمرو أديب لموسيماني: "بشويش يا كابتن"
علق الإعلامي عمرو أديب؛ على تصريحات الجنوب
أفريقي بيتسو موسيماني المدير الفني للنادي الأهلي بعد الفوز الذي حققه فريقه على
الزمالك في الدوري.
وقال أديب خلال برنامج "الحكاية"
المذاع على قناة "إم بي سي مصر": "بشويش يا كابتن؛ أظن أن انت تم
تثبيتك بعد الماتش دة لازم يكون في تواضع الرياضة أة الأهلي كان أحسن والدنيا يوم
ليك ويوم عليك وشوفت السنة اللي فاتت كان ظروفك عاملة ازاي".
وأضاف: "بشويش كدة الزمالك مش فريق
صغير؛ كان في توفيق كبير للأهلي في الماتش دة بس التوفيق بيجي مع المجهود؛ والأهلي
في الشوط الأول كان حاطط مجهود أقوى كتير".
وتابع: "الزمالك اتخض فجأة بيقول إيه دة
وتحسن الملعب ناحيتين واحدة فيها زلزال واحدة فيها فرح فين لما الزمالك ابتدى يقف
على رجليه".
وأوضح: "مفيش شك أن الأهلي كان أحسن
وكان حظه أحسن؛ أنا بهني النادي الأهلي وبهني الزمالك وكنت في الشوط التاني قوي وعملت
حاجة كويسة".
واختتم: "موسيماني بيقول أنا مبسوط أن
كسبت الزمالك على أرضه أنت مش واخد بالك الماتشات في مصر بتتلعب ازاي؟".
