بيومي فؤاد ينفعل على الهواء: "تركي آل الشيخ مقالش عليا تافه"
علق الفنان بيومي فؤاد على الأزمة التي نشبت
بسبب ما صنف على أنه إعلان شارك فيه لمطعم شاورما بالمملكة العربية السعودية.
وقال فؤاد في مداخلة مع برنامج "حضرة
المواطن" المذاع على قناة "الحدث اليوم": "فين الإعلان في
الموضوع دة؟ الراجل كان عاجبه سكتش من اسكتشات بيومي أفندي الراجل بيقولي عليه
وأنا قللته وعملت الموضوع على أنها حاجة خاصة بيه".
وأضاف: "هو نشرها وحط الفيديو مش لكونه
إعلان هو فرحان بالموضوع وبيهزر؛ وهو فين الإعلان في كدة ولغاية دلوقت بنهزر ومفيش
حد ممكن يعمل اعلان".
وتابع: "لما حد بيفهم غلط لازم اعتذر
على أن في حاجة اتفهمت غلط وعشان الناس دي جمهوري ومحبيني وأولا أنا بعتذر وثانيا
بشرح".
وأكمل: "النهاردة موقع يكتب بعد أن وصفه
تركي أل الشيخ بالتافه بيومي فؤاد يرد؛ السيد تركي أل الشيخ مقالش عليا تافه هو قال
الإعلان مسيء ودمه تقيل وعنده حق لو دة اتصنف اعلان".
واختتم: "لو ده إعلان فهو مسيء لكن دة
مش إعلان والراجل حطه كإعلان دي مشكلته والناس وفهمت بعد كدة أنه الناس مضايقة من
الراجل اللي نشر دة".
