الزوجة المعتدى عليها من زوجها في الإسكندرية تكشف تفاصيل الواقعة
كشفت أمنية إسماعيل؛ الزوجة المعتدى عليها من
زوجها في الإسكندرية تفاصيل الواقعة التي سجلتها إحدى كاميرات المراقبة في مدخل
محل سكنها.
وقالت إسماعيل في مداخلة هاتفية لبرنامج
"حضرة المواطن" المذاع على قناة "ألحدث اليوم": "من سبع
سنوات أنا بعاني من المنظر اللي شفناه دة وعشان خاطر البنتين أنا كنت
متحملة".
وأضافت: "بنتي عندها 6 سنوات وشافته وهو
بيضربني وجالها صدمة ومتحركتش غير لما طلع وقالتلي أنا افتكرتك موتي".
وتابعت: "هو يمتلك محل ملابس وسنه 32
سنه ومعاه دبلوم صنايع وأنا 28 سنة ومعايا بكالوريس نظم معلومات وأنا كنت بتحمل كل
دة عشان أولادي".
وأكملت: "كان بيضربني على طول وأنا كنت
بسكت ومكنتش بعرف أهلي؛ وأهلي كمان كانوا بيخلصوا الموضوع عشان ميخربوش البيت".
واختتمت: "مكنتش هسمح أن يحصلي كدة أكيد
لو ليا مصدر رزق؛ هو طردني أنا والولاد ورحت عند أهلي من 3 شهور مصرفش على ولاده
جنيه".
