خالد الغندور يهاجم إدارة الزمالك: المديونية 300 مليون جنيه.. وليه نتعاقد مع لاعبين لما القيد واقف

كشف الإعلامي خالد الغندور أن حجم مديونيات الزمالك وصل لـ 300 مليون جنيه جراء العقوبات والغرامات فى بعض القضايا ، وقال بندق فى برنامجه اللعبة الحلوة عبر إذاعة أون سبورت إف إم :" أنا قريب من مجلس الإدارة ومكنتش عارف أن في إيقاف قيد للزمالك غير من حسين لبيب في التليفزيون ، وكنت عارف أن الزمالك خلص وليد الكرتي لاعب الوداد وقالولي هنعلن عن التعاقد مع عبد الله السعيد خلاص".

ويضيف خالد الغندور:" طب لما فيه إيقاف قيد تعاقدتوا مع عمر كمال عبد الواحد ليه ومحمود شبانة وحمدي النقاز ، وايه كمية القضايا اللي على الزمالك دي من أيام المجالس السابقة ووصلت لـ 300 مليون جنيه".

وتابع بندق:"لو ادارات الزمالك بتمشي صح وتدفع اللي عليها وتنهى علاقاتها باللاعبين بدون أزمات مكنش ده بقى حالنا ، يعنى عشان لاعب زي حسام أشرف وأكاديمية حتى مش نادى فى الكاميرون نتوقف فترتين قيد ، وطبعا المجلس جاب النقاز عشان عقوبته مش عشان فنياً".

وأكمل الغندور:" لو ظل القيد موقوف سوف يقوم الزمالك بإعارة الصفقات الجديدة، واللجنة اتصرفت صح في أزمة حمدي النقاز مش ناقصين فلوس كمان ونعيره نستفيد فلوس كمان ، وعبد الله السعيد كان افضل يجي السنة دي طالما مش هيجي السنة دي يبقى مش مفيد السنة الجايه".