الزمالك: "لو معانا 4 مليون كنا جبنا بيرسي تاو"
أكد حسين السيد؛ عضو اللجنة المكلفة بإدارة
نادي الزمالك؛ أن التونسي فرجاني ساسي؛ رحل عن الفريق بسبب عدم الاتفاق على الأمور
المالية.
وقال السيد في مقابلة مع برنامج "على
مسؤوليتي" المذاع على قناة "صدى البلد": "فرجاني ساسي جاله
عرض أكبر بيحسبها وصل معانا إلى 2.4 يورو وجاله 3 مليون دولار برة واللاعب المحترف
بيحسبها كدة".
وأضاف: "ساسي شارك مع الفريق في الموسم
ومش عارف موضوع مكافأة الحصول على الدوري ومفيش حق حد بيضيع معانا وليه فلوس
هياخدها ولو عليه فلوس هيدفعها".
وتابع: "عندنا قضايا لاعبين بـ 17.5
مليون دولار حلينا أربع قضايا ودي والرقم قل بتاع 3-4 المبالغ اللي بتدفعها بتكتفك
لو معايا 4 مليون كنت جبت بيرسي تاو".
وأكمل: "جددنا للونش وزيزو ويبقى الجزيري وبن شرقي قربنا نخلص وفي حاجات تحت المداولات واتعودنا لما ننجز نقول أما
بخصوص عمر كمال لسة شوية ولكن يعتبر شبه خلص الولد نفسه زملكاوي ورفض عروض
برة".
وعن التعاقد مع عبد الله السعيد ورمضان صبحي
ودونجا لاعبي بيراميدز قال السيد: "بيراميدز كل أندية مصر هما عايزين ممننا
لاعيبة واحنا عايزين منهم؛ لكن عبد الله ورمضان ودونجا مش مطروحين ضمن اهتمامات
الزمالك حاليا".
