"متدخلوش شيوخ عليكم".. دعاء فاروق تثير الجدل على السوشيال ميديا
أثارت الإعلامية دعاء فاروق موجة جدل على السوشيال ميديا بعد منشور كتبته حول السحر.
وقالت دعاء فاروق في منشورها: "رجاء من فضلكم أنا ليس لي أي علاقة بأي شيوخ بتفك سحر أو بتعمل سحر أو بتعمل جلب حبيب أو طرد عفاريت إلخ، دي أعمال كفر ونصب ومعنديش أرقام أي حد".
أضافت: "مش معقول مكالمة تليفون جت لي في البرنامج من سيدة حكت قصة عن السحر تخلي كمية من الستات تجيب رقمي وتكلمني يوميا سيل من المكالمات والرسايل تطلب مني رقم الشيخ اللي فك السحر للست اللي اتصلت بيا من سنتين، لا أعرفها ولا معايا أرقام أي حد واللي متعلق بقشاية رجاء أنا مش هفيدكم".
واختتمت: "دى أعمال كفر كفر كفر، وأنا مش هفيد حد فيها نهائي. شكرا".
وردت دعاء فاروق على متابعة قالت لها:" يعني لو أنتي معمول لك سحر وفي شيخ هيعالجك بالقرآن هتقولي عليه كفر"، فردت قائلة: "ده كفر، ومش بدخل شيوخ لا يقروا عليا ولا ينفع أي راجل يقرأ عليا أي حاجة وبشتغل مع الشيوخ بقالي عشرين سنة ولا حد فيهم قرأ عليا قرآن ولا مرة، وكلهم بينصحوني إني أنا اللي اقرا لنفسي وبالمناسبة اللي بتدخل واحد عليها بيمرمطها وبيعمل فيها حاجات وحشة متدخلوش رجالة عليكم نهائي، لا شيخ ولا غير شيخ، اللهم بلغت اللهم فأشهد".
