عضو "شارموفرز": لن نقبل بحضور حفل فيه تمييز ضد الجمهور
كشف أحمد بهاء؛ عضو فريق شارموفرز؛ تفاصيل رفض الفريق إحياء حفل في
إحدى القرى السياحية بعد منع فتاة محجبة من حضور الحفل بسبب الحجاب.
وقال بهاء في مداخلة لبرنامج "حديث القاهرة" المذاع على
قناة "القاهرة والناس": "الموضوع وصل من منشور على وسائل التواصل وبعد
كدة رسايل على حسابات الفريق وعلى الصفحة والناس بدأت تبعت سواء المحجبات والناس اللي
بتسال موافقين ولا لا على اللي بيحصل دة".
وأضاف: "ردينا بستوري اننا ضد الكلام دة لان جمهورنا زي عليتنا
وأننا ضد التمييز دة والمقولة المشهورة أن الموسيقي لغة الشعوب أننا بنفهم بعض واحنا
في بلد واحدة ومفيش تمييز والجمهور راس مالنا".
وتابع: "خدنا القرار مش هننزل الحفل الا لما الموضوع يتحل
وحاولوا يحلوا القصة وقالوا العدد هيدخل على قد المكان وكنا هنعمل الحفلة ولكن
الموضوع اتلغي فعلا لأسباب تانية فنية".
وواصل: "قصة التفرقة بين الناس مش موجودة عندنا احنا بدأنا من
تحت الأرض والعلاقة مع الجمهور شخصية جدا وعارفين عننا كتير قبل ما نبتدي ولو
عرفنا أن جمهورنا بيتعامل بطريقة مش كويسة مش هنقبل دة ومش هنقبل التواجد في حفة
فيها تمييز ضد الجمهور".
