طالب ثانوية دهسته سيارة.. القصة الكاملة لهاشتاج «حق مايكل»
تصدر هاشتاج «حق مايكل ميلاد» تريند السوشيال ميديا حيث كتبت أحد أقاربه منشور تناشد فيه المسئولين بمساعدته وعودة حقه.
وقالت فى منشورها:«مايكل ميلاد في
تالته ثانوي مايكل كان رايح درس في مصر الجديده بعد ما خلص درس بيعدي الشارع في
واحد معندوش ضمير بعربيه كان ماشي بسرعه خبط مايكل و فضل متعلق على كبوت العربية و
الراجل لسه موقفش و مشي بيه حوالي ٥٠ متر و هو لسه متعلق في الكبوت راح الراجل داس
فرامل مره واحده ومايكل وقع من على العربيه والراجل اخد العربيه و هرب و مايكل دلوقتي
متبهدل و في المستشفى و عنده (كسر في الحوض و كسر في الكتف الشمال و كسر في الكوع
اليمين و شرخ في حاجب العين عند التجويف و المثانه فيها تجمع دموي)».
أضافت فى منشورها :« و بكده مايكل
محتاج يعمل عمليه شرائح ومسامير في الحوض فياريت تدعوله بالشفاء و كمان الراجل ضيع
مستقبل مايكل مش هيقدر يمتحن ثانوية عامة وضيع عليه السنة و اهله دلوقتي عايزين
يجيبو حقه و كلنا ممكن نتعرض للموقف ده و ممكن نكون مكان مايكل اعتبر ان مايكل ده
اخوك او صاحبك و ساعده»
