حورية فرغلي عبر "لايف" : انا مبسوطة جدا وحاسة الشم والتذوق رجعولي
في إطلالة جديدة للفنانة حورية فرغلى، وبعد فترة من إثارة الجدل حولها، ظهرت حورية مجددا في فيديو "لايف" عبر صفحتها الشخصية بموقع التواصل الإجتماعي فيس بوك، ووجهت الشكر لجمهورها الذي دعمها ودعا لها خلال فترة مرضها، كما طمأنت الجمهور على حالتها الصحية بشكل كامل.
وقالت حورية خلال بث اللايف " : "كل سنة وانتوا طيبين، ميرسى أوى على كمية الرسائل اللى عمالين تبعتوهالى، شكراً على دعمكوا ليا ودعواتكوا وسؤالكوا عليا طول وأنا مسافرة وحتى بعد ما رجعت، أما تطورات العلاج والنقاهة فعاوزة أقولكوا إن أنا زى الفل، الدكتور مبسوط جداً وأنا مبسوطة جداً، حاستى الشم والتذوق رجعولى تانى وصوتى مبقاش مخنف وبقيت أنام وأنا بتنفس من مناخيرى".
وأضافت حورية : "الحمد لله يا رب، ربنا رجعلى النعمة دى تانى، أنا بس بحب اطمنكوا إن أنا زى الفل وعندى كمية طاقة كبيرة أوى وأنا داخلة على شغل كتير، هتبقى مفاجأة بالنسبة ليكوا وأنا دايما معوداكوا أن مش بعمل حاجة عادية".
