الفنان سيد رجب يكشف كواليس دخوله عالم التمثيل

كشف الفنان سيد رجب عن كواليس بدايات دخوله إلى عالم التمثيل، لافتا إلى أن أحد أصدقائه طالبه بالانضمام إلى المسرح ومن هنا بدأ العمل.

وقال رجب في مقابلة مع برنامج "التاسعة" المذاع على القناة "الأولى": "صاحبي اللي دخلني التمثيل كان شاعر والله يرحمه كان اسمه مصطفى زكي وقالي أنت مفيش ممثل إلا وبتعرف تقلده؟ ما تيجي تمثل معانا".

وأضاف: "رحت فعلا لقيت أني عايز أعمل كدة سمعت من لناس واتعلمت من خبراتهم وحسيت أني ببص على دنيا جديدة من طاقة صغيرة والممثل المجتهد ممكن يتعلم ويسمع ويقرا ويروح ورش".

وعن كتابته لبعض الأعمال الفنية قال رجب: "أنا بكتب كتير وكتبت فيلم مرة واحدة وكان قصة قصيرة وحولته لسيناريو أنا مش كاتب لكن بكتب وبحكي وعامل حاجة اسمها مذكرات الفرماوي جزء من مذكراتي وأنا كتبت عشان احكي وأمثل".

واختتم: "أنا مش محترف كتابة فكرت أكتب تاني وكتبت حاجات بس بسيبها وبخاف لأن الكاتب مشكلة لأنك بتكون كانت حاجة بقلبك وعنيك ولما تطلع على الشاشة بيتحط أفكار ناس تانية كتير فيغير حلمك".