هاني مهنا يتحدث عن أزمة مطربي المهرجانات

علق الموسيقار هاني مهنا؛ على الأزمة التي أثيرت عقب رفضه حضور مطربي المهرجانات لحفل زفاف أبنته لافتا أن الأمور أخذت اتجاها أخر.

وقال مهنا في تصريحات لبرنامج "الجريئة وشيخ الحارة" المذاع على قناة "القاهرة والناس": "موضوع عمر كمال وحسن شاكوش؛ أخذ اتجاه بعيد عما كان".

وأضاف: "أنا قلت لهنادي بلاش تعزمي حمو بيكا لكن هنادي أتورطت وعمر وحسن من الناس اللي أنا معجب بيهم وفي أغاني أنا بحب أسمعها".

وتابع: "حمو بيكا مفيش صوت أقدر أعترف بيه كمغني حتى مش مطرب؛ أنا اختلفت مع هاني شاكر في موضوع المهرجانات وكان ليا رأي أن دة عرض وطلب؛ لو أبنه بيتجوز وطلب حد من المهرجانات مش هيقدر يمنعه".

واختتم: "عمر وحسن من الناس اللي عندهم التون بتاعتهم حلوة؛ والتون دي بتتعمل بالكمبيوتر لكن هما عندهم تون بشري وأنا معجب ببعض أغانيهم".