الإثنين 18 نوفمبر 2019 الموافق 21 ربيع الأول 1441
رئيس التحرير
شيماء جلال

عن 30 يونيو.. السيسي: لو تصورتوا إني كنت جاي طمعان في حاجة تبقوا ظلمتوا الفكرة"

الخميس 07/نوفمبر/2019 - 12:07 م
الرئيس نيوز
طباعة
تحدث الرئيس عبدالفتاح السيسي عن ترشحه لرئاسة الجمهورية في المرة الأولى، بعدما أطاح الشعب المصري بجماعة الإخوان الإرهابية من سُدة الحكم في ثورة 30 يونيو.
قال: "لو انتو تصورتوا إن 30 يونيو و3 يوليو، إني كنت جاي طمعان في حاجة، تبقوا ظلمتوا الفكرة وظلمتوا القيم والمبادئ اللي وقفنا من أجلها"، وزاد: "لو انتو تصورتا إن الموضوع كله عشان أبقى موجود هنا، ده أنا أبقى أوحش منهم، لأ والله".
وأضاف السيسي خلال كلمته في احتفال ذكرى المولد النبوي الشريف، الذي تنظمه وزارة الأوقاف: "معرفش الكلام اللي هقوله فخامة الرئيس عدلي منصور هيزعل مني ولا لأ ، لكن أنا هقوله، انتوا قبل الانتخابات والترشح، كتير من الناس قالت ليه مش عاوز يقدم، اتحايلت على فخامة الرئيس في الفترة دي شهور إنه يترشح وأكون أنا في مكاني".
وتابع: "بقول الكلام ده عشان تعرفوا إن الكل زاهد فيها، لأنه تحدي كبير جدًا، سواء دنيا أو دين، شهور بقوله من فضلك، سنة عدت اترشح تاني وأنا أفضل مكاني وهعمل كل اللي ممكن يتعمل لأجل خاطر مصر، بس هو قالي لا يمكن هي كده تمام وكفاية كده"، وزاد: "الحكاية مش حكاية رئيس ونظام، على الأقل بالنسبة لي مش موجودة". 

وتحدث السيسي عن المؤتمر العام الذي طالب فيه وزارة الأوقاف والأزهر الشريف بتنظيمه، قائلا: "أرجو إن الندوة اللي اتكلمنا فيها مع فضيلة الإمام ووزير الأوقاف، تبقى لكل أطياف المجتمع، ثقافي وسياسي واقتصادي واجتماعي وأمني، نتكلم ونشوف".
وتابع الرئيس خلال كلمته في احتفال وزارة الأوقاف بذكرى المولد النبوي الشريف: "مش هتكون عبارة عن ندوة دينية، هتقعد ليوم واتنين وتلاتة، والناس كلها تسمعنا عشان نعرف إن الشأن العام أمر مختلف كتير أوي عن المفهوم الفردي والمفهوم الجمعي والمسؤولية علينا كمجتمع مش حماية نظام".

الكلمات المفتاحية

ads
ads
ads
ads
ads
ads