السيسي: "يهمنا إننا ندي الناس أمل"
وجّه الرئيس عبدالفتاح السيسي، الشكر لكل من عمل على إنجاز مشروعي مصنع الغازات الطبية والصناعية رقم 3، ومصنع فوق أكسيد الهيدروجين تركيز 50%، وهو الأول من نوعه في مصر، التابعين لشركة النصر للكيماويات الوسيطة بمنطقة أبورواش في الجيزة.
وأضاف السيسي خلال افتتاح المصنعين: "إحنا كمصريين لازم نعرف إن القوات المسلحة لما تقوم بالدور ده، فده مش على حساب القطاع الخاص أو المدني، بالعكس ده بيكون بالمشاركة معاه، كل القطاع المدني اللي شغال في مصانع القوات المسلحة بيشتغل بمنتجات استراتيجية غير مسموح لنا في مصر إنها تتأثر في أي وقت من الأوقات ولأي مبرر، لأنها حساسة جدا وضرورية جدا، ومنتجات ومواد استراتيجية مهمة".
وتابع السيسي: "الشركات بيشتغل فيها عشرات الآلاف، ولما يكون في 10 آلاف فدان صوب زراعية، كام شاب وشابة هيشتغلوا فيها، وده اللي يهمنا إننا ندي الناس أمل ونوفر فرص العمل".
وأنشئت شركة النصر للكيماويات الوسيطة في العام 1972، وتعد شركة النصر للكيماويات، أحد أهم قلاع مصر الوطنية، وشهدت تطورا غير مسبوقا خلال السنوات الماضية.
ويعد مصنع إنتاج غاز فوق أكسيد الهيدروجين الأول من نوعه فى مصر، وينتج 23 ألف طن سنويا، وسيتم تصدير فائض إلى الخارج، كما توفر المصانع الجديدة 20 ألف فرصة عمل غير مباشرة، فضلا عن 4 آلاف فرصة عمل مباشرة.
