كهربا يوضح أسباب غضبه من الإعلامي مهيب عبد الهادي
أكد محمود عبد المنعم كهربا، لاعب الأهلي، أنه غضب من الإعلامي مهيب عبد الهادي بسبب توسطه لحضور حلقة مع برنامج "رامز جاب من الأخر" المذاع على قناة "أم بي سي مصر".
وقال كهربا خلال برنامج "أسرار" المذاع على قناة "النهار": "مهيب عبد الهادي شخص عزيز عليا وعشرة عمري وكنت أنا وهو شادين مع بعض؛ أنا متكلمتش عليه ولكن في ناس تانية كنت بتكلم عليها ولكن أنا شديت معاه عشان مقلب رامز جلال".
وأضاف: "أنا كنت جاي في برنامج عادي؛ قالولي رامز بس مفيش أي مقالب؛ وفي البرنامج اتخبطت في ايديا واضايقت شوية في الأول وبعدين قلت الحلقة مش عجباني أن يحصل فيا حد؛ مفيش حد يقدر يهينني لاني باخد حقي على طول".
وتابع: "رامز أخويا وحبيبي وشخصية جميلة بس وقت الحلقة مكنتش شايف قدامي خالص واللي زعلني من مهيب كان ده ولكن اتصالحنا خلاص".
وواصل: "أنا بخاف من الكلاب جدا ومش بحبهم وأنا بحسب أن الكلب هيعضني أفرض الكلب ساب وجه يمسك في رجلي هلعب كورة تاني ازاي؟ وانا كنت بحاول أمسك في حاجة ولو رامز كان نزلي كنت هاخد حقي وبعدها اتكلمنا واتصالحنا بعد يومين تلاتة".
وأوضح: "محدش بيزعل من رامز دا بيبقي في ساعتها بس؛ أنا كل السنين اللي فاتت دي مكناش نعرف أننا رايحين لرامز وأن ده برنامج مقالب مهيب كل بيقولي برنامج رياضي عادي ولكن السنادي قالي دا مع رامز لكن مقالش أنه برنامج مقالب ".
وظهر كهربا عقب نهائي كأس مصر الذي أقيم في المملكة العربية السعودية وهو يقوم بمنع إمام عاشور من اجراء لقاء مع الإعلامي مهيب عبد الهادي.
وتوجه إمام عاشور للإعلامي مهيب عبد الهادي من أجل إجراء معه حوار عقب نهاية لقاء كأس مصر، ليتدخل كهربا وقام بدفع عاشور وابعاده بالقوة عن اجراء اللقاء مع الإعلامي
وقام كهربا بجذب إمام عاشور بالقوة، وهو الأمر الذي أثار استياء الإعلامي مهيب عبد الهادي وقام وتسبب في إحراجه أمام الحضور الذي هتف لكهربا على موقفه.
