مصطفى بكري يطالب السيسي بإعلان برنامج انتخابي قبل الانتخابات المقبلة
أكد الإعلامي مصطفى بكري؛ أن لديه يقين بأن مصر سوف تخرج من أزمتها الحالية مشيرا إلى أن الخطوات التي تجريها الدولة حاليا تعتبر في الاتجاه الصحيح.
وقال بكري خلال برنامج "حقائق واسرار" المذاع على قناة "صدى البلد": "البلد دي بغض النظر عن أي تحفظات منك أو من أي حد وأنا عارف حالة الاحتقان وعارف أن الناس تعبانة بس أنا عندي قناة زي ما كل مصري عنده قناعة أن البلد دي هتخرج من أزماتها".
وأضاف: "الخطوات اللي بتتم هذه الأيام إن شاء الله تشكل مجرى صحيح لمسار اقتصادي صحيح؛ حصلت أخطاء محدش ينكر وحصلت مشاكل ولكن بالتأكيد الاستماع لصوت العقل وفهم الناس؛ نسمع كل الآراء نجيب الآراء المعارضة اقتصاديا واللي شايف أن دة ممكن يبقي أحسن".
وتابع: "المواجهة الحاسمة للفساد والفاسدين اللي كتروا في البلد؛ النهاردة مبتمشيش حاجة إلا بكذا رغم جهود الأجهزة الرقابية والكسل اللي موجود؛ في امثلة كتيرة للموظفين اللي مبينفذوش تعليمات الوزراء؛ وزراء بيصدروا قرارات ويعملوا لجان معينة ويجي المسؤول الحكومي يروح موقف القرار".
وأكمل: "خلونا دايما على يقين وعلى ثقة أنه بلدنا إذا ما خلصت النوايا بإذن الله هنمشي لقدام؛ أنا بطلب من الرئيس عبد الفتاح السيسي اللي هيرشح نفسه لانتخابات الرئاسة لازم يكون عندنا برنامج قوى وفاعل يخاطب الناس وقول للناس احنا هنعمل ايه في المرحلة الجاية؛ والرئيس يسمع الناس كما يفعل لأن الرأي العام في مصر عمر ما هتنقله التقارير؛ أنزل للناس هتشوف الأوضاع الصعبة وهتشوف شكر الناس على الإنجازات".
وأوضح: "عايزين نسمع كل الأصوات ويكون في رأي ورأي أخر؛ البلد دي تستحق الحرية والديموقراطية وحسنا أنك أطلقت اليد للحوار الوطني وبتستقبل كل التوصيات برحابة صدر فهذا تقدر لروح واجندة هذا الحوار؛ احنا محتاجين اصلاح سياسي جنبا إلى جنب مع الإصلاح الاقتصادي وهو ده اللي بيدعم الدولة الديموقراطية الحديثة".
واختتم: "احنا بنشوف تجارب دول في سنوات؛ زي ما ضربنا مثل برواندا وفيتنام؛ الدول دي ازاي تقدمت وازاي حصلت النهضة الزراعية والصناعية فيها؛ اهم حاجة أن احنا نبقى بنخطط كويس أوي وعندنا فكر الأولويات كويس أوي؛ نحل المشاكل وأرجوكي يا حكومة فهميني؛ قانون التصالح على مخالفات البناء؛ قانون اشتراطات البناء الـ2.8 مليون مواطن وبيوتهم المليون اللي خارج الأحوزة هتعملوا ايه مع الناس دي؟".
