والد زوجة حسن شاكوش: "بيهددنا والبيوت كلها أسرار"
أكد طارق السيد؛ والد ريم زوجة مطرب المهرجانات حسن شاكوش؛ انه تلقى تهديدات من شقيق زوج ابنته مشيرا إلى أنه تقدم ببلاغ إلى النيابة العامة ومباحث الانترنت.
وقال السيد في مداخلة هاتفية مع برنامج "الحكاية" المذاع على قناة "أم بي سي مصر": "نشكر ربنا أن ربنا عافانا؛ كان في اختلاف في وجهات النظر ولقينا إن بنتنا مش هتقدر تكمل والحمد لله؛ الاختلاف في أسلوب الحياة والطباع والحمد لله أنه ظهر قريب وبدري".
وأضاف: "هي رفضت الوضع اللي شافته طلعها من البيت واخد كل حاجتها الشرعية كان معاها الدهب العادي بتاعها والقائمة بتاعتها؛ الحق الشرعي والمشاكل ابتدت في نص رمضان وهي عادية جدا؛
وعن اتهامات شاكوش لابنته بأنها تزوجت قبل أن تتزوجه وأخفت الأمر قال السيد: "يعمل بلاغ في النيابة أن احنا عملنا غش وتدليس؛ والمحامي بتاعه أقر أن الموضوع دة مش هو السبب؛ أنا عندي بلاغ للسيد النائب العام؛ الأستاذ حسن شاكوش الرجل المحترم زوج بنتي حتى الان ليه أخ اسمه موسى بعتلي فويس بيتهم كل سيدات مصر أنهم كانوا على علاقة بالأستاذ حسن شاكوش وبيهددني أنه هيفضح بنتي؛ الراجل هددني ودا بلاغ في مباحث الانترنت".
وأكمل: "حالة بنتي ممتازة دلوقت واللي قالتهولي مينفعش أقوله؛ أحنا ناس بنستر بناتنا؛ هو لم يطلقها رسميا حتى الان وأن شاء الله نخرج بالمعروف ألا أن أخوه اتدخل وبيهدد أنه هيفضح بنتي وبيشهر بيها؛ الصلح دة حاجة بتاعة ربنا احنا ناس مبنشلش ومبنزعلش واللي بيصلح يصلح من نفسه ولكن لو انا ليا حرية القرار أنا ارفض الصبح".
واختتم: "البيوت كلها أسرار وأنا معنديش حاجة أقولها في نطاق الزوجية واللي حصل بين الأخ حسن وبنتي؛ أنا كل اللي أنا مستاء منه التهديد المباشر من أخو الأستاذ حسن؛ الأستاذ حسن عامل اكونت باسمه بيشهر بينا وبكرة في مباحث الانترنت بلاغ تاني وأنا مكنتش أتوقع أنه يعمل كدة أنا بقول أخوه وزعلان عشانه وبيقول أنا فوق القانون؛ أنا بنفي أي كلام بيقوله وأي كلام هو شايف أن ليه حق يقدم بلاغ قدام النيابة العامة".
