أبانوب جودة.. فنان صغير "مطرود" من الفنون الجميلة

"الحلم خلاص راح".. الآن توقف طالب أنهى دراسته الثانوية عن التفكير في المستقبل، هو مصدوم من رسوبه "غير المنطقي" بعد أن كان على خطوات من تحقيق المراد ينتظر "تعويضات الرب".

أبانوب جودة (18 عاما)، من الإسكندرية، معروف بموهبته الفنية في مختلف أنواع الرسم، صور رسوماته تغزو مواقع التواصل الاجتماعي، وشارك في مسابقات فنية عدة، وكان حلمه الذي لم يتحقق الالتحاق بكلية الفنون الجميلة فى جامعة الإسكندرية، إلا أنه أنه اكتشف بعدما نجح في الثانوية بـ86%، أنه رسب في اختبار قدرات الفنون الجميلة وإعلانه ضمن الراسبين.

حاول التمسك بالحلم بتقديم تظلم لعميدة الكلية، الدكتورة دينا مندور، التي شاهدت رسوماته السابقة، وحاولت بحث الأمر، مؤكدة له اجتيازه اختبارين فقط من ثلاثة.

دون الوصول إلى حل، توقف الطالب عن المحاولة، وبدأت تتوارد عليه رسائل التشجيع على "فيس بوك"، هنا يقول كيرو ممدوح: "كمل افتكر كلامي وبلاش يأس دي بداية طريق ليك بس لو تشوف اللي بايظ وتصلحه ربنا مش بيبوظ حاجة انت في نظرك شايفها حلوة وصالحة ليك غير لما يكون عارف ومتاكد إن دي مش صالحة ليك".

وقالت مارينا شوقي: "جودة .. صدقنى يا صاحبى مش اخر الطريق..تقدر تبنى دنيتك انت ف المجال اللى بتحبه واللى انا و انت و كل اللى حواليك واثقين انك ناجح فيه .. شهادتك نفسك و ايمان الناس بيك .. شهادتك مش ورقة من دولة فاشله ! ادرس مجال و اشتغل مجال و كدة هيبقى مفتوحلك".

وقالت مارينا سعيد: "ربنا شايلك حاجه اكبر انت لسه متعرفهاش، إنت تستاهل أكبر في كلية فنون إنت موهبه عظيمه وجميله استمر في اللي بتحبه ونميها وسيب ع ربنا تدبير الباقي ربنا يوفقك في خطواتك يا ابانوب".