الفنانة شهيرة: "بتكلم مع محمود ياسين كأنه عايش وشوفته وهو بيضحكلي"

أكدت الفنانة شهيرة؛ أرملة الفنان الراحل محمود ياسين؛ أنها لاتزال لا تصدق رحيله مؤكدة أنه تتحدث معه وكأنه موجود أمامها.

وقالت شهيرة في مداخلة هاتفية لبرنامج "أخر النهار" المذاع على قناة "النهار": "أنا مش عارفة اتخلص من حالة بتعامل على أنه موجود وعايشة في الحياة وحتى لما بزوره في المقابر بدل بقعد أتكلم معاه عادي كما لو أنه قاعد قدامي".

وأضافت: "موضوع البرزخ دة سر من أسرار المولي ومع ذلك قاعدة بتكلم معاه وأنا فاهمة أني سامعني وخلاص وحتى حكاية ربنا يرحمه بقول ربنا يراضيه".

وتابعت: "بحكيله عننا هو دايما طول عمره بيحب أسرته ودول أهم حاجة في حياته بعد شغله وبقوله متقلقش علينا احنا كويسين عمرو كذا ورانيا كذا عملنا كذا واحنا كويسين جدا والمهم تبقي كويس".

واختتمت: "بيجيلي في المنام بس مش بيتكلم ومتغاظة أنه بيروح لناس أصلا مش من قرايبنا راح لناس كتير مش معروفة وبيبلغوني لأنها بتقى رؤي حاجة مبشرة ماشاء الله وباخدها لشيوخ نحسبهم على صلاح الكلمة دايما تتقال أكتر من حد بيقولولي أبشري وهي من الحاجات اللي بتخلي قلبي مطمن وأحيانا بشوفه في اليقظة؛ أخر مرة وانا ماشية من المقابر شفته كان بيضحكلي".