نجل حسن يوسف يعلق على تعرض والدته شمس البارودي للتنمر

أكد عمر حسن يوسف، نجل الفنان حسن يوسف والفنانة شمس البارودي، أنه عرض على والديه إنتاج فيلم وثائقي عن قصة حياتهما، لافتا أن الأمر كان مجرد فكرة منذ أربعة سنوات.

وقال يوسف في تصريحات لبرنامج "الحكاية" المذاع على قناة "إم بي سي مصر": "من أربع خمس سنوات جالي فكرة عن فيلم وثائقي عن قصة حياة شمس البارودي وحسن يوسف والموضوع ميعتبرش عودة للفن".

وأضاف: "أقنعت مدام شمس أن الموضوع يكون وثائقي والموضوع متكلمتش فيه وكنت بصور مسلسل وفي النص طرحوا الموضوع اللي بينطرح على طوب أن مدام شمس هترجع وأنا قلت مش هترجع وأن أنا بعمل فيلم وثائقي والخبر تم تداوله وبدأ شوية ناس متفهمش فكرهم ازاي بدأوا يتكلموا عنها".

وتابع: "اتفاجئت بالكلام ووالدتي عندها سوشيال ميديا وعندها انستجرام معلشهوش حد لكن في حد بعتلها الخبر فدخلت وبتقرا التعليقات وردت".

وواصل: "أنا قلتها متردتيش وأنا قبل كدة كان بيحصل معايا حاجات ومكنتش برد واللي كتب الكومنت دة دخل التاريخ أن شمس البارودي ردت عليه".